സ്ത്രീകള്ക്ക് നീതി ഉറപ്പാക്കുമെന്ന് മന്ത്രി എം.ബി. രാജേഷ്
തിരുവനന്തപുരം: സ്ത്രീകള്ക്ക് നീതി ഉറപ്പാക്കുമെന്ന് മന്ത്രി എം.ബി. രാജേഷ്. നിയമത്തിന് മുകളില് ആരും പറക്കില്ല. എല്ലാവര്ക്കും നീതി നടപ്പാക്കും. അതാണ് സര്ക്കാരിന്റെ മുഖമുദ്രയെന്നും മന്ത്രി മാധ്യമപ്രവര്ത്തകരോട് പറഞ്ഞു. ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ സിനിമയിലെ പ്രമുഖര്ക്ക് എതിരെ ഉയരുന്ന ലൈംഗികാതിക്രമ പരാതകള്ക്കിടെയാണ് മന്ത്രിയുടെ പ്രതികരണം.
വലുപ്പച്ചെറുപ്പമില്ലാതെ ഇത്തരം കേസുകളില് നിയമവും നീതിയും നടപ്പിലാക്കും. ഏത് കേസിലും നിയമം അനുസരിച്ച് നീതി നടപ്പാക്കും. അതിന് കാലതാമസമുണ്ടാകില്ല. നിയമപരമായ പരിശോധന അടക്കമുള്ള നടപടിക്രമങ്ങള്ക്ക് ശേഷം നടപടി സ്വീകരിക്കുമെന്നും മന്ത്രി പറഞ്ഞു.
Please follow and like us:
